Cydraddoldeb i blant a phobl ifanc

Cynllun busnes
2023/24

Mae’r cynllun busnes hwn yn disgrifio’r hyn y byddwn yn ei wneud o dan y flaenoriaeth cydraddoldeb i blant a phobl ifanc rhwng Ebrill 2023 a Mawrth 2024.

Gweithio gyda rheoleiddwyr a llywodraethau i fynd i’r afael ag unrhyw effeithiau anghymesur o ddigwyddiadau allanol ar ddeilliannau addysgol i blant a phobl ifanc o bob cefndir

Ein nod hirdymor:

Lleihau effaith anghymesur digwyddiadau ehangach ar ddeilliannau addysgol i blant a phobl ifanc. 

Sut byddwn yn gwneud hynny:

Byddwn yn dylanwadu ar osod safonau trwy:

• gyhoeddi a hyrwyddo canllawiau ar gwrdd â chostau darparu newidiadau rhesymol i ymgeiswyr anabl mewn arholiadau preifat

• gweithio gyda Llywodraeth Cymru i gynghori ar ei gwaith i fynd i’r afael ag anghydraddoldebau addysgol, gan gynnwys trwy sicrhau bod cydraddoldeb a hawliau dynol wedi eu hymwreiddio i weithrediad y cwricwlwm newydd yng Nghymru

Byddwn yn sicrhau cydymffurfiaeth â safonau trwy:

• ddefnyddio Dyletswydd Cydraddoldeb y Sector Cyhoeddus (PSED) i annog cydraddoldeb cyfle yn natblygiad a chyflawniad polisïau a rhaglenni addysgol  

• hyrwyddo arweiniad PSED i ysgolion er mwyn cynyddu cydymffurfiaeth â’r ddyletswydd

Cymryd camau cyfreithiol i fynd i’r afael â thramgwyddo hawliau plant mewn lleoliadau sefydliadol

Ein nod hirdymor:

Amddiffyn a chynnal hawliau plant a phobl ifanc mewn lleoliadau sefydliadol gyda llai o dramgwyddo’u hawliau.

Sut byddwn yn gwneud hynny:

Byddwn yn dylanwadu ar osod safonau trwy:

• ddylanwadu ar Lywodraethau Cymru a’r DU ac eraill ar weithredu argymhellion a wnaed gan Gonfensiwn y Cenhedloedd Unedig ar Hawliau’r Plentyn

• hyrwyddo a diogelu hawliau plant mewn lleoliadau sefydliadol

• cynghori llywodraethau Cymru, y DU a’r Alban ar bolisïau ym maes addysg a lleoliadau sefydliadol yn ymwneud â derbyniadau, gwaharddiadau, ymddygiad ac ataliaeth

• ymgysylltu â’r Adran Addysg i hyrwyddo argymhellion ein Ymchwiliad Ataliaeth yn Lloegr yn 2021 

Byddwn yn sicrhau cydymffurfiaeth â safonau trwy:

• ymgysylltu ag awdurdodau lleol yn yr Alban i sicrhau cydymffurfiaeth PSED â chanllawiau ataliaeth wedi’u diweddaru

Byddwn yn gorfodi’r gyfraith trwy:

• adnabod cyfleoedd i gymryd camau cyfreithiol i hyrwyddo a diogelu hawliau plant mewn lleoliadau sefydliadol

Mynd i’r afael â gwahaniaethu mewn gwaharddiadau, polisïau ymddygiad a methiannau i wneud newidiadau rhesymol er mwyn gwella deilliannau addysgol i bobl â nodweddion gwarchodedig

Ein nod hirdymor:

Gwella deilliannau addysgol i grwpiau mewn perygl gyda chynnydd mewn cyfranogiad addysgol yn y grwpiau hynny. 

Sut byddwn yn gwneud hynny:

Byddwn yn dylanwadu ar osod safonau trwy:

• gynghori Llywodraeth y DU ynghylch y nifer cynyddol o absenoldebau cyson mewn ysgolion a dylanwadu arnynt i sicrhau polisïau sy’n cydymffurfio â’r PSED 

Byddwn yn sicrhau cydymffurfiaeth â safonau trwy:

• gwblhau hyfforddiant ar gyfer llinell gymorth cynghori Enquire yn yr Alban. Bydd hyn yn cynyddu gwybodaeth o gydraddoldeb a hawliau dynol.

Byddwn yn gorfodi’r gyfraith trwy:

• adnabod cyfleoedd i gymryd camau cyfreithiol er mwyn hyrwyddo hawliau plant a mynd i’r afael â gwahaniaethu mewn lleoliadau addysgol

Mynd i’r afael â rhwystrau i hyfforddiant a chyfleoedd gwaith cyfartal i bobl ifanc

Ein nod hirdymor:

Cynyddu’r gyfradd o bobl ifanc â nodweddion gwarchodedig penodol sydd mewn cyflogaeth. Hefyd lleihau cynnydd hyfforddiant gwahanu galwedigaethol. 

Sut byddwn yn gwneud hynny:

Byddwn yn dylanwadu ar osod safonau trwy:

• gynghori llywodraethau ac ymgysylltu â rhanddeiliaid er mwyn gwella mynediad i brentisiaethau a chefnogaeth cyflogaeth, a lleihau gwahanu sefydliadol, i bobl ifanc a grwpiau heb gynrychiolaeth ddigonol                             

• darparu cyngor ynglŷn â sefydlu’r Comisiwn Addysg Drydyddol ac Ymchwil yng Nghymru.

Byddwn yn gorfodi’r gyfraith trwy:

• adnabod cyfleoedd i gymryd camau cyfreithiol i fynd i’r afael â rhwystrau i gyfleoedd hyfforddiant a chyflogaeth cyfartal i bobl ifanc